Эркебаев Азат Абдыганиевич.
1979 ж. Москва шаарында туулган. Жогорку окуу жайын – Бишкек Гуманитардык университетин артыкчылык менен бүтүргөн,
1999-2001 жж. Кытай Эл Республикасынын Пекин Университетинде “Эл аралык мамилелер” факультетинде стажировка өткөн.
2011-2014 жж. Тышкы иштер Министрлигинин Дипломатиялык академиясынын “Эл аралык мамилелер” факультетин бүтүргөн.
Эмгек жолун
2001 ж. Кыргыз Республикасынын Тышкы иштер Министрлигинде Башкы саясий Башкармалыгынын Чыгыш өлкөлөр бөлүмүндө катчы-референт катары баштаган.
2002-2005 жж. Чыгыш өлкөлөр Департаментинин Атташе дипломаттык кызматында иштеген. 2005-2009 жж. Кыргыз Республикасынын Кытай Эл Республикасындагы Элчилигинде Атташе дипломаттык кызматында, анын ичинде Консул кызматын аркалаган.
2009-2010 жж. Кыргыз Республикасынын Соода-Өнөржай Палатасынын Пекин шаарындагы Өкүлү болгон.
2011-2013 жж. Кыргыз Республикасынын Тышкы иштер Министрлигинин Кытай Эл Республикасындагы Синьцзян-Уйгур автоном районунун Урумчи шаарындагы Визалык пунктунда жетекчи болуп иштеген.
2013-2015 жж. Кыргыз Республикасынын Жогорку Кенешинин депутаты, Эл аралык комитеттин төрагасынын коомдук кеңешчиси болгон.
2015-2021 жж. жеке ишкерчиликте. 2018 ж. азыркы кезге чейин «Жаңы жибек жолу» соода-экономикалык мамилелерди өнүктүрүү Ассоциациясынын төрагасы.
2019 ж. Пекин шаарындагы Дүйнөлүк ЭКСПО Көргөзмөсүндө Азат Эркебаев уюштурган жана демөөрчүлүк кылган Кыргызстандын улуттук павильону 124 мамлекеттин ичинен 2 орунга – күмүш байгеге ээ болгон.
Сыйлыктары:
дипломаттык рангы, Кыргыз Республикасынын Тышкы иштер Министрлигинин Ардак грамотасы, Кыргыз Республикасынын Айыл-чарба, тамак-аш өнөржайы жана мелиорация Министрлигинин «Айыл чарбасынын мыктысы» төш белгиси. 2020-21 жж. COVID-19 пандемиясынын учурунда калкка жана медицина кызматкерлерине кайрымдуулук жана демөөрчүлүк жардам көрсөткөндүгү үчүн Бишкек мэриясы, Саламаттык сактоо министрлиги тарабынан ыраазычылык каттары берилген.