Кытайдын тургуну он мүнөттө бир жарым литр кола ичип, эртеси каза болгон. Бул тууралуу Daily Mail жазат .
Алкоголсуз суусундукту ичкенден алты саат өткөндөн кийин, жыйырма эки жаштагы жигит катуу оорууга жана ичтин шишигине даттанып Пекиндин ооруканасына кайрылган.
Дарыгерлер бейтапты текшерип, пневматозду — ичеги дубалында аба кисталарынын пайда болушун жана боордун ишемиясын аныкташты. Кошумчалай кетсек, жигиттин жүрөгү тез жана дем алып, кан басымы төмөн болгон. 12 сааттан кийин кан анализи ал кишинин боору катуу жабыркаганын көрсөткөн. Кийин анын абалы начарлап, клиникага баргандан 18 сааттан кийин каза болгон.
Кытайлык дарыгерлер бейтаптын коланы өтө тез ичкендигинен улам денесинде өтө көп көмүр кычкыл газы топтолгон деп эсептешет. Бул боордун кычкылтек ачкалыгын пайда кылып, өлүмгө алып келген. Дарыгерлер кошумчалагандай, ичегиден газ боордун негизги кан тамырларынын бири порталдык венага агып кеткен.
Лондон Колледжинин биохимиги Натан Дэвис сода ичип өлүүнүн ыктымалдуулугу анча чоң эмес экенин айтты. Адистин айтымында, жаш жигиттин өлүмүнүн себеби дененин ичинде газдардын топтолушун козгогон бактериялык инфекция болушу мүмкүн. Ал газдалган суусундуктарды ичүүнүн зыяны анча чоң эмес экенин, аны узак мөөнөттө гана байкоого болорун түшүндүрдү. Кола тишке зыян келтирип, сөөктүн минералдашуусун начарлатышы мүмкүн, дейт Дэвис.
Автор публикации
Ал экөөнүн айтканы күндөй тиер.
Билбеген наадандардын ичи күйөөр,
Билген адам ошону
Байым кылаар.
Көкүрөккө ойлонуп,
Дайын кылаар.
Билбегендер ошону
Айың кылаар.
