2021-жылдын январь-ноябрь айларында өз ара сооданын көлөмү 65,5 миллиард долларды түзүп, өткөн жылдын ушул мезгилине салыштырмалуу 32,4 пайызга көп. Бул тууралуу Евразиялык экономикалык комиссия билдирди.

Өз ара соодада экспорттун өсүшү биримдиктин бардык мамлекеттеринде катталган: Казакстанда – 35,3 пайызга, Россияда – 35,2 пайызга, Кыргызстанда – 30,4 пайызга, Арменияда – 27,4 пайызга, Белоруссияда – 24,8 пайызга.

«Азык-түлүк жана айыл чарба сырьесу менен активдүү соода уланууда. 2021-жылдын январь-ноябрь айларында 2020-жылдын январь-ноябрына салыштырмалуу Армениядан союздук рынокко жеткирүүлөрдүн көлөмү 29,5 пайызга, Орусиядан 27,3 пайызга, Кыргызстандан 17,3 пайызга өскөн», – деп айтылат маалыматта.