“Неман-Фарм” мамлекеттик органдардын жардамы менен COVID-19 вирусунун симптомдорун дарылоо үчүн “Гепарин” дармегинин партиясын алып келди. Бул тууралу Республикалык штабдан билдирди.

“Гепарин” алгач “Неман” дарыканасынын Бишкектеги кампасына 12-июл түнү алынып келинген. Бүгүн дармек бардык филиалдарына жеткирилди.

Өз кызыкчылыгы үчүн пайда көрүүнү каалаган алып-сатууларды алдын алуу үчүн дары 443 сомдон бир адамга бир эле упаковка менен сатылууда.

Фармкомпаниянын айтуусунда, керектүү дары-дармектерге дефицитти болтурбоо үчүн бардык күчтөр жумшалууда.

Эгерде дары-дармектердин баасын ашырып саткан учурлар болсо, Финансы полициясына билдирүүңүздү суранабыз: 1955.