Нефтетрейдерлер бензиндин баасы дагы 8 сомго көтөрүлөт деп божомолдоп жатышат. Бул тууралуу Кыргызстан Нефтетрейдерлер Ассоциациясынын (АНК) аткаруучу директору Канат Эшатов маалымат жыйынында билдирди.

«Күйүүчү-майлоочу майдын баасы жума сайын өсүп жатат. Суроо абдан жогору. Россиянын базарында да тартыштык бар, ал жактан биз күйүүчү майды импорттойбуз. Мындан тышкары, Балтика өлкөлөрү Россиядан биздин чөлкөмдүн өлкөлөрүнө караганда кымбатыраак сатып алышат. Ал жакка сатуу пайдалуу. Ошондуктан март айында бензин дагы 8 сомго кымбатташы мүмкүн ”, — деди Канат Эшатов.

Анын пикиринде, күйүүчү-майлоочу майга бааны көтөрүү маселесин чечүү үчүн, өз заводдорун иштетип, чек арада аткезчиликке каршы күрөшүү керек.