Салык органдары жана бажы кызматкерлери тарабынан 2022-жылдын январь айына салык, бажы жана башка төлөмдөрдү жыйноо боюнча белгиленген план ашыра аткарылды. Бул тууралуу министрлер кабинетинин басма сөз кызматы билдирди.
Анын айтымында, 30-январга карата Салык кызматы тарабынан республикалык бюджетке 8 миллиард 574 миллион сом салык жыйналды. Белгиленген план 106,4 процентке аткарылды. Ал 514,6 миллион сомго ашык аткарылган. 2020-жылдын ушул мезгилине салыштырмалуу салыктар 3 млрд 436,1 млн сомго көп чогултулган (өсүү темпи – 166,9 пайыз).
Бажы кызматы 3 млрд 359,8 млн сом белгиленген план менен үстүбүздөгү жылдын январь айында (бир күндүк эсепке албаганда) 4 млрд 368,3 млн сом чогулткан. Белгиленген план 130 процентке, же 1 миллиард 8,5 миллион сомго ашык аткарылды. Былтыркыдан айырмаланып, өсүш 2 миллиард 388,4 миллион сомду түздү.