25-октябрь “Жеткинчек Ачык-Суу” мектепке чейинки билим берүү уюму мекемесинде “Кош бол алтын күз” аттуу майрамдык кече уюштурулду. Бул тууралуу аталган бакчанын тарбиячысы кабарлады.

Айтымында иш-чарага балдар жигердүү, ата-энелер 100% толук катышканын билдирди.

“Биздин бакчадагы жогорку тайпанын балдары жана эжекеси менен биргеликте, күз айынын акыркы күндөрү менен коштошуп “Кош бол алтын күз” аттуу чоң майрамдык кече өткөрүлдү. Иш чаранын максаты: балдарды ар тараптуу тарбиялоо жана үч айлык балдардын отчеттук кечеси өткөрүлүп кечеге ата энелер жүз пайыз катышып беришти.” -деп билдирет маалыматта.

Кошумчалай бакчада балдарга китеп окутуп үйрөтүүгө аракеттер жүрүп жатканын баса белгиледи.
“Бизде мындан сырткары да балдарга китеп окутуп үйрөнүүнүн ыкмасын карап жатабыз. Балдарга 1-класска барууда кыйналбагандай шарт түзүү керек. Анткени келечегибиз бүгүнкү балдардын колунда” дейт эл өкүлү, аталган бакчанын тарбиячысы Салибаева Анархан.

Белгилей кетсек аталган бала бакчада мындай иш-чаралар ар дайым уюштурулуп турат.