Уюлдук телефонду уурдаган деп шектелген дагы бир адам кармалып, 1-СИЗОго камалды. Бул тууралуу борбор калаанын Ленин райондук ички иштер бөлүмүнөн билдиришти.
Анын айтымында, 17-февралда Бишкек шаарынын тургуну милицияга кайрылып, 16-февралда компьютердик клубда болуп, уктап калганын айткан. Анын жүрүшүндө мекемеге келген айрым адамдар анын 18 миң сомдук телефонун уурдап кетишип, дайынсыз болушкан.
Факты КЖЖБРде катталып, Кыргыз Республикасынын Кылмыш-жаза кодексинин 200-беренеси «Уурулук» боюнча сотко чейинки өндүрүш башталды.
Милиция кызматкерлери 29 жаштагы шектүүнү кармашты. Бишкек шаарынын Ленин райондук соту кармалган адамды СИЗО-1ге бир айга жөнөтүүнү чечти.
Эске сала кетсек, кечээ Ленин райондук ички иштер башкармалыгынын кызматкерлери уюлдук телефонду уурдоого шектүү 40 жаштагы жаранды кармашкан . Сот аны дагы камакка алгандыгы белгиленди. Кармалган адам кийинки айды 1-СИЗОдо өткөрөт.
Автор публикации
